Comunicado de CEIVAR em relaçom com Diego Santim e a política do Ministério do Interior

Para começar, temos que aclarar que o organismo popular anti-repressivo CEIVAR já nom tem nengumha relaçom com Diego Santim, nem coa sua actual defensa letrada na causa judicial na que está a ser processado junto a Héctor Naya e Xurxo Rodrigues.

Em segundo lugar, vemo-nos na obriga de denunciar publicamente que o Ministério do Interior do estado espanhol está a utilizar a Diego Santim para criminalizar mediante mentiras, calumnias e manipulaçons o movimento independentista e mais concretamente organizaçons e pessoas que o componhem.

Por último queremos fazer um chamamento a unidade do movimento, desde a sua diversidade, frente ao estado espanhol e o seu sistema repressivo, aliás, fazemos um chamamento à uniom solidária de todo o povo galego com os presos independentistas galegos e com todas as pessoas que estám a sofrer a repressom do estado em qualquer das suas formas.