O próximo 1 de Abril estam chamadas a declarar no julgado nº3 de Ourense as solidárias M.B.F., J.D., C.L. e L.L. acussadas pola fiscalia da Audiencia Nacional de enaltecimento do terrorismo polo facto de portarem as fotos d@s pres@s independentistas no lipdub que se gravou em Ginzo de Límia em Março do ano passado.
A gravaçom do vídeo foi a atividade central do sétimo aniversário do centro social Aguilhoar e em ele aparecem mostras da cultura da sua comarca acompanhadas por vizinhos, amizades e coletivos dos movimentos populares sob a música do tema Muitos povos construindo do grupo Skárnio (pode-se ver clicando na imagem que acompanha esta nova).
A fiscalia da AN procura criminalizar e punir as mostras de solidariedade com @s pres@s independentistas e as opçons políticas e ideolóxicas independentistas e anticapitalistas, e nom sente nenhum tipo de pudor ao afirmar nas diligências da investigaçom aberta, que os denunciados “pretendiam enaltecer @s pres@s independentistas polas suas atividades terroristas”[sic]” sem ter sido condenadas e sem existir umha sentença firme a dia de hoje da existência na Galiza de organizaçom terrorista.
Perante este processo surrealista, EsCULcA, observatório pola defessa dos direitos e liberdades, vem de pedir o arquivo do procedimento dirigindo um escrito a fiscalia da AN.
Contra este intento de intensificar a repressom e de atemorizar @s solidári@s por parte do estado espanhol, disponibilizamos no apartado de publicaçons deste portal os retratos d@s pres@s independentistas galeg@s para quem queira descarrega-los e reivindicar a sua liberdade mostrando-os em centros sociais, mobilizaçons e nas ruas e paredes do nosso pais.