Concentraçom e marcha em solidariedade co Xurxo

xurxo_webO preso político galego Xurxo Rodríguez Olveira, em prisom preventiva em Alcalá-Meco desde Setembro de 2012, vem de ser transladado nesta quarta-feira ao cárcere de Teixeiro, em Cúrtis, para a próxima celebraçom de um juízo na sua contra no próximo 15 de Março. No julgamento, que se celebrará nos julgados de Compostela a partir das 9h, a fiscalia pede 18 meses de prisom sob a acusaçom de atentado à autoridade. A cunda (translado entre prisons) durou cinco dias e incluiu as prisons de Valdemoro e Mansilla de las Mulas.

Os factos dos que parte a acusaçom remontam-se a um anterior julgamento que, em Fevereiro de 2012, se celebrou contra os cinco solidários I.C., X.L., E.V., A.P. e R.A., acusados de agredir os polícias que custodiavam Sánti Vigo, e de tentar ajudar o daquela preso independentista a fugir depois da sua detençom em Outubro de 2010.

O Xurxo poderá receber o alento solidário de quem quiger participar das seguintes actividades programadas para aproveitar a sua estadia em território galego à espera da sua dispersom. Com este fim está convocada umha concentraçom diante dos julgados de Compostela, nas Fontinhas, a próxima sexta-feira dia 15, às 9:30h. Aliás, no dia seguinte, sábado 16 de Março, realizaremos umha marcha à cadeia de Teixeiro para mostrarmos o nosso apoio e carinho  ao preso independentista. O ponto de reuniom será a gasolineira que se encontra à frente do centro penitenciário, na N-634, depois da vila de Teixeiro, sendo as 10:30h a hora de começo da mobilizaçom.

Do Organismo Popular Anti-Repressivo Ceivar fazemos um apelo a todas aquelas pessoas e colectivos solidários a participarem nestas actividades.