Detenhem em Compostela a um afiliado da CNT

cntA passada terça-feira, 5 de Fevereiro, a meia tarde e mentres caminhava pola rua, a polícia detivo a um afiliado da CNT em relaçom com a atividade desenvolvida na última greve geral do 14 de Novembro. Ontem ao meio-dia registrarom a sua vivenda e o detido, no momento de publicar esta nova, ainda nom declarou nos julgados de Fontinhas.

A CNT denúncia na nota de imprensa enviada ao correio de Ceivar, a persecuçom das trabalhadoras e trabalhadores que participarom na greve geral do 14 de Novembro, legítima ferramenta dos direitos e do trabalho do movimento operário, numha jornada na que centos de pessoas participarom nos piquetes e milheiros secundarom a manifestaçom convocada pola CNT junto a CUT e com o apoio dos movimentos sociais de Compostela.

O sindicato afirma que esta detençom, três meses depois da greve e sem citaçom prévia, nom tem mais sentido ou justificaçom que a repressom da acçom sindical.

A CNT concentrou-se ontem pola manhá nos julgados de Compostela e pola tarde na praça do Pam em solidariedade com o companheiro detido e como denúncia dos feitos acontecidos.

Mais informaçom em http://www.cntgaliza.org/