EsCULcA, observatório para a defesa dos direitos e liberdades, apresentou um escrito com data 10 de Janeiro para evitar a incomunicaçom de Hadriám Mosquera “Senlheiro”, detido a segunda-feira da semana passada em Ames. Desta volta tiverom dificuldades para presentar o texto diante da Audiência Nacional, como relatam na nova que aparece na sua web e que publicamos a continuaçom:
Con data 10 de Xaneiro EsCULcA enviou burofax ao Xulgado de Instrución núm. 4 da AN instando a non aplicación do réxime de detención incomunicada, e no seu caso, a aplicación do “Protocolo Garzón”, a Don Adrián Mosquera Pazo, quen, segundo información recollida por diversos medios, fora detido en Ames o 7 de xaneiro e manifestara ter sido vítima de torturas.
Dous días antes o noso Observatório, como fixera anteriormente en circunstancias similares, enviara o escrito por fax. Nesta ocasión, no entanto, a Audiencia Nacional negouse a admitir o texto alegando, en resposta á pregunta formulada telefonicamente por EsCULcA, non constar no escrito o número das Dilixencias abertas.
Igual negativa, e con idéntica xustificación, recibiu o procurador que en representación de EsCULcA tentou entregar o escrito na propia Audiencia Nacional no día seguinte.
Como lembra EsCULcA no seu escrito, o réxime de detención incomunicada ten sido obxecto de reiteradas críticas dos mais diversos organismos internacionais polo que supón de restrición de dereitos fundamentais das persoas submetidas a incomunicación.
Ver aquí o escrito enviado á AN.