A passada sexta-feira 28 de Dezembro, o Local Social Faísca acolheu o acto de recebimento popular ao militante independentista Héctor Naia “Koala”. O acto, organizado por Ceivar, estivo precedido pola já tradicional concentraçom da última sexta-feira de mês em apoio as reivindicaçons do Colectivo de pres@s independentistas
No acto, além do próprio Koala, que agradeceu as mostras de apoio e solidariedade, clamou contra a opressom que padece o povo trabalhador galego e pediu que a solidariedade e o apoio recebido por ele nom se detenha e se projecte no conjunto de patriotas galegos presos. Também interviram Miguel R. em nome da claqué Celtarras, grupo seareiro ao que está vinculado Koala, que deu a bem-vinda ao militante excarcerado e resumiu o agir da claque ante a sua detençom, e Óscar Gomes, da portavozia de Ceivar, que além da bem-vinda, entre outras manifestaçons, insistiu na importáncia de afortalar o organismo anti-repressivo para fazer frente com maior capacidade aos reptos do presente e do futuro.
Após as intervençons vários obséquios foram entregados ao militante independentista excarcerado, para dar passagem no próprio local social a umha ceia convívio cheia de fraternidade e boa gastronomia.
O vídeo do recebimento e a crónica fotográfica foram realizados pola equipa de GalizaContrainfo.