Publicamos a continuaçom a crónica publicada polo portal GalizaLivre do recebimento o passado sábado 22 de decembro dos ex-presos independentistas José e Santi na Praça do Toural em Compostela. O vídeo e galeria fotográfica foi realizado pola equipa de GalizaContrainfo.
Trás quatro anos de reclusom em cárceres espanholas, ontem, Santiago Vigo e José M. Sanches forom recebidos por várias dúzias de pessoas num ato de recebemento na céntrica praça do Toural da cidade de Compostela.
Um passeio de bandeiras da pátria conduziu a Santi e a José a praça na que muitas amizades e solidárias os estavam a esperar portando faixas com diferentes legendas de bem-vinda. A Plataforma cidadá Que Voltem a Casa e Siareiras Galegas participarom do acto, no que exprimirom a sua alegria aos dous ex-presos, mas também denunciarom a infámia de ter passados quatro anos de seqüestro e dispersom. Aliás nenhuma destas organizaçons olvidarom lembrar as independentistas presas que ainda estam dispersas por diferentes cadeias espanholas, todas elas à espera de juízo. Também falou Ceivar, o organismo organizador da bem-vinda, lembrando que a causa da repressom espanhola na Galiza se alicerça sobre a dignidade e fortaleça de boas e generosas que nom se resignam a desaparecer e esmorecer humilhadas e exploradas.
Depois disto, escuitou-se a gravaçom dum discurso de parte das presas independentistas galegas de boca de Antom Santos, quem se alegrava pola posta em liberdade dos dous companheiros e mandava umha mensagem de ânimo e força.Comentou que a tradiçom de mais de cuarenta anos com independentistas em prissom era umha aprendizagem para quem entrava depois, que o que o inimigo considera “movimento radical” é o exemplo da Galiza que nom se resigna, e que nesta situaçom histórica esige “poucas palavras e muitos feitos”.
Tanto Santi coma José derom as graças por todas as mostras de apoio recebidas para posteriormente serem agasalhados com sendos loureiros, como símbolo de vitória. Para finalizar o ato, coma vem sendo habitual neste atos cantou-se o hino da pátria. Um par de horas depois a celebraçom seguiu com umha ceia de convívio na que a alegria foi a nota predominante.
A crónica audiovisual realizarom-a as companheiras de galizacontrainfo.