Jornadas bascas de solidariedade Galiza-Euskal Herria conseguem importante ajuda económica

2012-12-08_17.15.15

De Ceivar queremos agradecer a Herri Norte Taldea o esforço e o apoio solidário com @s pres@s independentistas galeg@s mostrado coa organizaçom das Jornadas de Solidariedade Galiza-Euskal Herria e a achega económica recebida do desenvolvimento destes atos que supónhem um desafogo económico importante nos gastos anti-repressivos deste organismo.

A continuaçom públicamos a crónica destas jornadas:

Decorrem com sucesso jornadas bascas de apoio às presas independentistas galegas

 

2012-12-08_17.16.50Desde a sexta-feira passada até o domingo desenvolverom-se no Pais Basco as jornadas de solidariedade Galiza-Euskal Herria, organizadas por Herri Norte Taldea em Bilbo. Ceivar, convidada pola organizaçom, participou ao longo das tres jeiras, junto com umha importante participaçom de galegas que também se achegarom até ali.

 

O centro cívico La Bolsa, no casco velho da capital biscaina, acolheu a palestra ministrada por Ceivar. Umha militante da organizaçom bosquejou a situaçom de opressom galega e mui brevemente a história da resistência nacional desde há séculos. A continuaçom expujo-se a situaçom repressiva em Galiza, tanto a nível de movimentos populares como da situaçom nas prisons; citarom-se as comunistas e antifascistas presas, o anarquista Pombo da Silva, e centrou-se a atençom nas independentistas e no trabalho anti-repressivo de denúncia e apoio. Ao remate da exposiçom houvo um participativo colóquio, que se alongou com perguntas arredor da situaçom actual galega.

 

2012-12-08_22.55.23O dia a seguir, no gaztetxe de Romo celebrou-se um concerto cujos benefícios som destinados, na íntegra, para as presas independentistas galegas. Lá tocarom os grupos locais Última Neurona e Euskaldun Talde Mitikoa, e mais os vigueses Disturbio 77. Umha importante delegaçom da claqué viguesa de futebol Celtarras, despraçarom-se até alí para participar numha churrascada de convívio e desfrutar do concerto. Entre bandeiras da pátria, da plataforma “que voltem à casa” e ikurriñas tanto os cantantes dos grupos como o público na sala, coreou berros de apoio às presas galegas.

 

2012-12-09_16.30.11O domingo, pouco antes do jogo de futebol entre o Atletic de Bilbao e o Celta de Vigo realizou-se umha concentraçom sob a legenda “Presas políticas galegas liberdade” às portas do Estadio de Sam Mamés, diante de miles de pessoas.

 

Mas a solidariedade nom remata; este fim de ano, vam celebrar também a festa de passagem de ano no gaztetxe de Romo e de novo, os fondos recaudados serám doados para afrontar os custos da repressom carcerária contra as combatentes galegas.