A passada segunda-feira, día 22 de outubro reuniam-se co Delegado do Governo de Espanha na Galiza os responsáveis comarcais da CIG, CCOO, UGT e USTG, co obxecto de exigir que se depurem responsabilidades pola desmedida carga policial no inicio da campanha electoral contra trabalhadores do naval em Ferrol, e se abram investigaçons polos maus tratos sofridos em comisaria polo sindicalista da CIG Xesús López Pintos, o qual permaneceu esposado mais de duas horas, sendo golpeado de quando em vez na cara e no corpo por um polícia que levava posta umha luva de coiro, ademais de insulta-lo a el e ao sindicato do que fai parte.
A quatro centrais derom umha rolda de imprensa conxunta na que amosarom a sua preocupaçom ante o resultado da juntaza, já que Samuel Juárez defendeu a desproporcionada carga “chegando a insinuar que a policía actuou assím para se defender”. Em quanto a abrir umha investigaçom polas torturas das que foi obxecto o sindicalista “Juárez amosou-se tranquilo, deixando toda a responsabilidade no eido do proceso judicial aberto”.
Ademais, o Partido Popular vém de anunciar que denunciara à Central Intersindical Galega ante a Xunta Electoral. Suso Seixo, secretario Geral do sindicato explicou que “na CIG já estamos afeit@s às persecuçons e às repressóns por parte do PP. Por isso também nom nos estranha que intente agora culpabilizar à CIG. Mas isto nom nos vai fazer calar nim nos vai atemorizar”.