Ourense foi o cenário a noite da passada sexta-feira dumha nova carga policial contra a mocidade combativa e organizada desta cidade que protestava às portas do pavillom dos Remédios contra as políticas do PP que lhe negam um futuro próprio.
Umha concentraçom pacífica da mocidade desconforme, do estudantado e de afectad@s polas preferentes recebia com apupos ao líder dos conservadores, Mariano Rajoy, e o seu vassalo no parlamentinho, Alberto Nuñez Feijoo.
Conforme relatarom a Ceivar a mocidade independentista que participou no protesto, a polícia cargou diretamente contra eles e sem que se produzira nenhum sucesso maior que os berros dos ali presentes.
A primeira detençom foi ao inicio da carga, anterior aos distúrbios que originarom a actuaçom policial. O detido, militante de Ceivar, tem sido objeto de ameaças por parte das forças repressivas em anteriores mobilizaçons. O segundo detido foi um moço solidário que intentou evitar a detençom do primeiro.
A maior das detençons, a carga saldou-se com várias pessoas feridas e, segundo denúncia o coletivo Estudantes sem Futuro, umha rapaza trasladada ao hospital por ter recebido golpes no pescoço.
O fotógrafo Oscar Pinal, objeto de insultos e ameaças enquanto documentava graficamente os feitos, relata o acontecido no seu blog e mostra-nos as imagens da carga policial que introduzem esta nova e que se podem visualizar neste enlace.