A Executiva Confederal da CIG denuncia a dispersom penitenciária que pratica o Estado espanhol c@s pres@s polític@s

29s_vigo_punhoPublicamos a continuaçom a nova tirada da páxina da CIG na que expom a decisom que tomou na sua última juntança a Executiva Confederal da CIG de mostrar o seu rejeitamento à dispersom penitenciária e de que que se garantam os direitos das pessoas presas tras as últimas detençoms de cidadãos galegos/as. Por outra banda, o Telejornal da TVG deu umha versom do comunicado da central nacionalista coa falta de rigor informativo, objetividade e de códigos deóntológicos dum meio que, como vem demostrando nos últimos tempos, informa ao ditado de interesses políticos e estratégias policiais.

A Executiva Confederal da CIG decidiu na sua última juntança mostrar o seu rejeitamento a dispersom penitenciária que o Governo espanhol lhes aplica sistematicamente os presos/as políticos/as depois das últimas detençons de militantes independentistas galegos/as. Desde a central nacionalista reclamam que se garantam os direitos das pessoas presas e das suas famílias e censuram que esta prática -que conculca a própria legislaçom espanhola- castiga também a familiares e amigos/as.

O organismo de direçom da central nacionalista decidiu por unanimidade denunciar publicamente esta prática depois das recentes detençons praticadas pola Polícia espanhola no âmbito do independentismo galego e trás comprovar que as pessoas arrestadas som reclusas em prisons que se encontram a centos e centos de quilómetros do nosso país.

Desde a central nacionalista criticam que com esta política de dispersom penitenciária que o Estado espanhol aplica desde há mais de três décadas unicamente contra os presos/as políticos/as penaliza-se também as suas famílias e amizades. Neste sentido, lembram que a tanto a própria Lei Penitenciaria como a Constituçom espanholas estabelecem o direito dos presos/as a permanecerem reclusos em centros que se encontrem o mais perto possível do seu domicílio habitual.

Finalmente, salientam que os constantes incumprimentos em esta matéria por parte do Governo espanhol motivou numerosas denúncias de distintos organismos e instituiçons internacionais.

Foto de Galizacontrainfo da manifestaçom pola liberdade d@s pres@s independentistas em Vigo o 29 de setembro