Última hora: arresto de independentistas.

No dia de onte, sábado 15 de setembro, a polícia espanhola e a guarda civil desenvolvêrom um operativo contra o independentismo comandado pola audiencia nacional, instituiçom que ordenou o arresto de cinco pessoas. Quatro delas fôrom detidas em Vigo e a outra em Compostela. As vivendas onde moram as pessoas arrestadas fôrom registadas de madrugada. Os detidos permaneciam nas dependências policiais e militares à espera do seu translado à Direcçom Geral da Guarda Civil ou da Polícia em Madrid. Os motivos destas detençons que estám a aventar os meios de comunicaçom ao serviço do ministério do interior, como tem sido habitual noutros arrestos de militantes independentistas, assinalam a pertença a Resistência Galega e a bateria de ataques a bancos, sedes institucionais e infraestruturas numha clara mostra de obediência, subjectividade e manipulaçom por parte destes meios.

Destacar entre os arrestos um dos efectuado em Vigo. A polícia, pistola em mao, sacou dum céntrico bar um dos arrestados no operativo. As pessoas presentes no bar recriminárom a atitude assovalhadora e provocadora das forças de ocupaçom que respondêrom com ameaças.

Ceivar convocará nas próximas horas assembleias informativas e actos de denúncia por estas últimas detençons de independentistas.

Compostela: 19:00 assembleia informativa C.S. Arredista; 20:00 concentraçom Praça do Pam

Vigo: 18:00 assembleia informativa C.S. Revolta

De Ceivar chamamos a participar nestes actos e especialmente à solidariedade activa ante este novo golpe da dictadura espanhola contra o nosso País e a militança galega.

 

LIBERDADE INDEPENDENTISTAS!!