Na manha de hoje era convocada umha concentraçom pola Confederaçom Intersindical Galega diante dos julgados de Ferrol, por mor dum juízo de faltas ao que se enfrentam seis membros da assembleia de precari@s de Ferrol.
Os feitos acontecerom o passado dia seis de junho, quando numha acçom protesta várias pessoas retirarom alimentos de primeira necessidade de um supermercado coa cartilha do paro. A ideia era fazer entrega desses alimentos à cozinha económica, mas isto nom puido ser possível porque forom confiscados pola polícia, ademais de proceder à identificaçom de algumhas participantes neste ato simbólico.
O valor dos produtos é de 25 €, quantidade irrisória para umha empresa como é Dia, mas que nom por isso duvidou em denunciar a estes sindicalistas. Ademais de que empresas deste tipo nom tenhem vergonha ao tirar ao lixo toneladas de comida ao mês, em muitos casos inda que nom estem em mal estado, em vez de doa-las a cozinhas económicas ou a ONG.
Umha vez mais vemos sentados no banquinho dos acusados a sindicalistas combativos, namentres a corruptela segue na rua.
Foto: CIG