A mobilizaçom espontánea que se viveu em Ourense na tardinha da passada sexta-feira, após o anuncio dos novos cortes do PP, foi especialmente ativa, tendo como alvo das queixas a sede do Partido Popular, à que se lhe lançou ovos contra a sua fachada e se deitou lixo no seu interior, e umha oficina do INEM da cidade que foi apedrada na noite do sábado. Por esta açom eram detidas três pessoas na madrugada do domingo por efetivos da Polícia espanhola.
Os três moços saiam em liberdade com cargos na tarde do mesmo dia imputados por um delito de danos e desordens públicos.
O poder nom tardou em definir, na boca do seu subdelegado do governo em Ourense, Roberto Castro, e dos seus meios, o que para eles é “violéncia”, em classificar a indignaçom em “boa” ou “má” e em criminalizar a resposta que nom podem controlar ante a imposiçom das medidas antissociais que estam levando a cabo.