Estrasburgo condena ao Estado espanhol e insta a por em liberdade a presa política vasca Inés del Río

ines_del_rioO Tribunal Europeio de Direitos Humanos vem de revisar o caso da presa política vasca Inés del Rio Prada, que tinha que ter saído no ano 2008 e leva 23 anos presa.

O Tribunal de Estrasburgo considera “irregular” a situaçom da presa, e condena a Espanha a pagar-lhe umha indemnizaçom de 30.000 euros por danos morais, e exige-lhe a sua imediata posta em liberdade.

O colectivo de familiares d@s pres@s polític@s vasc@s Etxerat, convocava umha rolda de prensa ontem de manhá em Gasteiz, para denunciar as agressons sofridas por quatro presos vascos, (por parte de outro preso num caso e por carcereiros nos outros tres), os seus porta-vozes Mattin Troitinho e Izaskun Abaiga aproveitarom também para valorar a sentença, e afirmar que a doutrina Parot deve ser derrogada sem demora. Por último volverom umha vez mais a exigir a posta em liberdade d@s pres@s gravemente enferm@s e o fim da dispersom.

Jorge Fernandez Diaz, o ministro de interior, já se posicionou assegurando que nom excarceraram a Inés del Rio e que recorreram a sentença. Umha vez mais Espanha mostra a sua cara mais selvagem negando-se a cumprir o ditado por um Tribunal de Direitos Humanos, apesar da vergonha e escándalo para um estado que se di democrático. De novo voltamos ver às claras a falsa democracia espanhola e o seu cinismo quando se enchem a boca para falar de como noutros países vulneram os direitos fundamentais das pessoas.