O 17 de maio, o Organismo Popular Anti-Repressivo Ceivar participou também da manifestaçom convocada em Compostela em defesa da língua. Solidarias e solidarios do Organismo colocarom-se com faixas a ambos lados da Praça da Galiza. Numha pedia-se a liberdade d@s pres@s independentistas, e a outra pedia a absoluçom dos 9 ativistas pola língua que seram procesados nos próximos meses. A continuaçom reproducimos a brochura repartida durante a manifestaçom:
O14 de Fevereiro de 2010, a organizaçom galegófoba Galicia Bilingue convocou em Compostela umha manifestaçom contra as medidas de protecçom do nosso idioma impulsionadas pola Junta da Galiza. Na saida da manifestaçom espanholista, defensoras e defensores do galego juntarom-se espontaneamente para mostrar a sua indignaçom e berrar em favor da nossa identidade nacional, sendo brutalmente agredidos pola polícia e polos manifestantes de GB.
Dúzias de pessoas forom identificadas e multadas polo simples feito de falar galego perto de onde saia a manifestaçom. Como conseqüência dos graves enfrentamentos ocorridos depois das primeiras cargas policiais, nove pessoas estám processadas e à espera de juízo. A fiscalia solicita para elas um total de 47 anos de prisom e fortes sançons económicas.
STOP REPRESSOM CONTRA A DEFESA DO GALEGO!!