Falece um jovem a conseqüencia de umha bolada de borracha

imagesIñigo Cabacas faleceu o dia nove de abril depois de ficar em coma quatro dias a consequência dumha bolada de borracha lançada pola Ertzaintza provocando-lhe graves lesons cerebrais. Companheir@s e demais testemunhos presentes nesse momento confirmárom que a fractura de cránio que apresentava iñigo produziu-se durante umha carga policial diante da Herriko de Indautxu(a uns metros do estádio de Sam Mames) depois do partido do Athletic contra o Schalke, onde moças e moços festejavam a vitória da sua equipa. Finalmente a autópsia corroborou esta versom.
A “versom”policial afirma que depois de recever umha chamada telefónica informando dum ferido, ao apresentar-se ali fórom agredidos, versom já desmentida depois de que o próprio Conselheiro de Interior Rodolfo Ares, afirmava que antes de recever essa chamada já houvera umha carga policial nessa rua.
As bolas de borracha som o projéctil básico que usa a Polícia Espanhola, a Ertzaintza e os Mossos d´squadra, ainda que a Comissom Européia recomendou a sua desapariçom para finais do ano 2012. Som bolas que saim disparadas a umha velocidade de 720 Km por hora, que está proibido o lançamento a menos de 50 metros, e sempre dirigidos ao cham, cousa que nom respeitam o mais mínimo. Dúzias de pessoas som feridas ao ano por estas práticas consentidas polo Estado. Para quando a sua eliminaçom?
Desde o Organismo Popular Anti-Repressivo CEIVAR queremos  enviar a mais enérgica repulsa ante estes feitos e umha forte aperta solidária à família e amig@s de Iñigo.