Normalizada a situaçom de Eduardo Vigo na prisom de Córdoba.

A finais de fevereiro informamos da transferência de Eduardo Vigo para a prisom de Córdoba. Ameaças, restriçons e práticas extrapunitivas foram os elementos que os carcereiros colocaram em riba da mesa como carta de apresentaçom. Eduardo foi conduzido e recluído num módulo de isolamento localizado no soto da prisom com fortes restriçons, de prendas de abrigo para a cabeça e as maos, e mesmo de dirigir-se aos carcereiros.

A sua inteireza desde o primeiro momento e o agir da defesa letrada, que apresentou umha queixa ante a instituiçom, e da denúncia e a solidariedade com os presos, que nesta ocasiom tivo forma de postais dirigidos ao Director da prisom, ajudaram a frear essa atitude ofensiva cara o preso independentista galego.

Com estas práticas nom suporem umha novidade no desenvolimento da maquinaria repressiva penitenciária. Práticas planificadas e focadas para o submetimento e a anulaçom das pessoas presas e especialmente beligerantes com os presos e presas políticas. Queremos incidir na importáncia, se se quer relativizada dependendo do caso, do papel que joga o apóio jurídico e a denúncia e o ánimo da solidariedade para o preso ou presa enfrentar o problema e lograr o cessamento deste tipo de acosa.

Para rematar, de Ceivar enviamos um forte abraço solidário a Eduardo, abraço que fazemos extensível a conjunto de patriotas galeg@s pres@s.

Assim mesmo fazemos um chamado animando a todo o pessoal a juntar umhas letrinhas solidárias para enviar as prisons espanholas, e que signifiquem ar fresco para @s independentistas pres@s.

 

NENGUMHA AGRESSOM SEM RESPOSTA!!

CONTRA A REPRESSOM ESPANHOLA, SOLIDARIEDADE GALEGA!!