Hoje por volta das 12:30 arrincava da compostelá Praça da Alameda a manifestaçom baixo o título “Fraga Iribarne foi um fascista”, que diversos coletivos convocárom com o motivo de contraponher o enaltecemento e “beatificaçom” que estes últimos dias está a praticar o aparato político do Estado Espanhol da figura de Manuel Fraga Iribarne.
A movilizaçom transcurriu polas ruas da cidade até a Praça do 8 de Março, onde concluiu sem nengum tipo de problema para os assistentes.
Contra as 14h eram detidas 5 pessoas no bairro de Sam Pedro à altura do Cruzeiro e conduzidas à esquadra policial de Compostela; os detidos comunicárom com os advogados de Ceivar que se personárom ficando livres arredor das 17h baixo a acusaçom de desordes públicos.
Durante as horas do arresto um grupo de gente concentrouse diante da comisaria prévia comunicaçom a Subdelegaçom do Governo esixindo a sua inmediata liberaçom. A polícia ordeou aos ali presentes retirar a faixa que portavam ja que a comunicaçom feita nom cumpria o praço minimo de 24h que estipula a lei para concentraçons de urgência, esta faixa foi retirada sem nengum problema, mas de alí a um tempo a polícia comezou a identificar a tódalas pessoas presentes baixo o pretexto textual de “que estaban gritando consignas políticas y que qualquier esplicacion se la pidieran a la Subdelegacion del Gobierno“.