EDUARDO VIGO DOMINGUEZ

Eduardo Vigo Dominguez
 
Centro Penitenciario A Lama
Monte Racelo, s/n
36830 – A Lama (Pontevedra)

Rascunho biográfico de Eduardo Vigo feito pola sua mae

O meu filho Eduardo nasceu en Outubro de 1985 e de pequeno era mui tranquilo ainda que quando tinha que ir à guarderia non gostava de ir. Quando Eduardo contava com quatro anos nasceu seu irmao, Santi, e ele contentou-se porque é muito o que lhe queria e quere a Santi. Lembro que sendo os dous cativos jogavam muito juntos, sempre pendentes un do outro.

Na Primária nom era moi estudioso mas sempre sacou os estudos para diante já que é mui inteligente. Isto último ainda o recordam os mestres e professores quando coincidem de atopar-se nas ruas com Santi ou conmigo.

 A ensinança Secundária estudou-na no IES do Sar e foi ai quando se achegou ao mundo da política, teria arredor de 13 anos. Daquela tivo discrepáncias de jeito constante cos professores porque Eduardo nunca aturou as injustiças. Mentres estudaba a ESO participou das greves estudantis, defendendo os dereitos do estudantado galego.

Despois de rematar a ESO, começou o Bacharelato mas à idade de 17 anos pugo-se a trabalhar de fontaneiro e até os 22 anos estivo na profissom em várias empresas. Durante todo este tempo compatibilizou o trabalho laboral com a militáncia no independentismo galego no que volcou sempre os seus esforços desinteresadamente.

Quando Eduardo tinha 22 anos produziu-se a detençom do seu irmao, Santi, que tinha 18 anos. Foi entom quando a família começamos a conhecer a realidade das prisions espanholas.

Con 23 anos foi viver para Vigo, trabalhou arredor dum ano na limpeza da estaçom do comboio e com 25 anos voltou a estudar a través da UNED.

Eduardo sempre se sentiu orgulhoso da súa militáncia independentista, tanto na casa coma na rua.

O 30 de Novembro de 2011, con 26 anos foi detido pola Guardia Civil, desde aquela esta em prisom. A día de hoje restam-lhe 10 anos e 8 meses para rematar a condena inmposta pola Audiencia Nacional.

Eu como mae de Eduardo que mais vou dizer… que o quero, e que si tivera que dizer o que sinto nunhas palavras ao pensar em ele som: orgulho e dignidade.