Ceivar apoia a campanha da Plataforma Cidadá Que Voltem à Casa

rolda_de_imprensaNo passado 26 de Novembro, a Plataforma Cidadá que Voltem à Casa apresentou em Compostela umha campanha de visibilizaçom e denúncia da situaçom penitenciária na que se encontram os independentistas galegos Santiago Vigo, José Manuel Sanchez, Miguel Nicolás e Telmo Varela. Em rolda de imprensa, representantes desta plataforma, acompanhadas por membros das organizaçons e colectivos solidários que apoiam a iniciativa (entre estes, Ceivar), pugerom sobre a mesa a situaçom de ensanhamento e indefensom que sofrem nom só os militantes presos, mas também as suas famílias e círculos sociais. A dispersom, a tortura, os regimes penitenciários excepcionais, a limitaçom e intervençom contínua de comunicaçons, os cacheios a prisioneiros e familiares…fórom denunciados como ferramentas mais habituais do Estado para provocar a sangria económica, a desmoralizaçom e o isolamento das e dos independentistas galegos. O comunicado íntegro da Plataforma pode-se ler aqui.

IV Festa pola LiberdadefESTA_POLA_LIBERDADE
Assi mesmo, a Plataforma Cidadá anunciou a celebraçom, no próximo dia 3 de Dezembro, da quarta ediçom da Festa pola Liberdade, que mais um ano pretende recolectar a solidariedade humana e económica das galegas e dos galegos para com os combatentes presos e as suas famílias. A Festa, que desta vez se celebrará em Vigo, começará às 21:30 na sala O Torreiro da Festa, e contará entre outras actividades coas actuaçons de Mini e Mero, Marxe Esquerda e Selectah in Helikopta.

QUE VOLTEM À CASA!