Solidari@s cos presos independentistas recebem ao ministro de justiza no colexio electoral

O passado domingo, día 20, solidari@s do Organismo Popular Anti-Repressivo Ceivar concentramo-nos às portas do colexio electoral da Escravitude, em Padrom, para receber ao Ministro de Justiza: Francisco Caamaño.
Estivemos dende as nove da manhá no interior do recinto electoral, mas quince minutos antes, aproximadamente, de que chega-se Francisco Caamaño (sobre 12 da manhá), fixo apariçom a Guardia Civil, coa que negociamos que se saiamos “polas boas” do colexio comprometiam-se a nom identificar às pessoas alí reunidas. Concentramo-nos às portas, e inda que Caamaño fixo a sua entrada na escola em carro, nom lhe passamos desapercibidos, e esiximos umha vez mais a liberdade dos presos independentistas, o fim da ilegal dispersom e umha Galiza ceive e socialista.
Para rematar a jornada, a Guardia Civil fixo-nos saber que tinhamos que ir por um caminho concreto, posto que a outra saida estava cortada. Era umha encerrona, posto que no caminho polo que nos mandarom estavam membros da benemérita agardando-nos para identificar-nos. Pedirom-nos papeis dos dous carros nos que os desprazamos e bilhetes de identidade de cada um/a de nós. Mentras nos tinham parad@s neste suposto “control rutinario”, um citroen C4 aparcado do outro lado da carretera, a umha distância bastante considerável, adicava-se a sacar-nos fotos. Também nos fotagrafarom durante o acto, tanto guardias civís à paisana, como um deles co uniforme.