Militantes do Centro Social A Revira sofrem acosso policial

CARAUTAMilitantes do Centro Social A Revira de Ponte Vedra venhem de denunciar estar sendo obxecto de acosso policial, estando sumetid@s a identificaçons e improvisados interrogatorios constantes.

O día 11 de outubro,  baixo a excusa dum controlo rutinario, 3 militantes independentistas forom parados por umha patrulha da polícia nacional, (a qual já pasara várias vezes por diante do centro social A Revira) às portas da súa casa, cruzando o carro diante e solicitando-lhes o bilhete de identidade.

O día 12 de outubro, dous militantes forom retidos por dous carros da polícia nacional espanhola à saida do C.S. quando se disponhiam a sair a colar uns cartazes anunciando umha actividade do mesmo. Fixerom-lhes várias perguntas sobre a súa militância e requerirom os seus respectivos números de telefone “para ser citados em comisaría”.

A finais do mês de outubro, outras 6 pessoas forom retidas na Praça da Peregrina umha sexta-feira às 18:00 horas num suposto controlo rutinario, solicitando os bilhetes de identidade a cada um dos mesmos. Nesse intre na praça havía centos de pessoas, das quais só identificarom a estas seis.

Já a comezos de novembro, outros dous militantes da Revira forom retidos quando marchavam para as súas casas depois de tomar algo no C.S., de novo a excusa a utilizar é o controlo rutinario, desta volta por mor das eleiçons estatais, juntificando que “ultimamente ponen muchas cosas en los cajeros”. A polícia aproveitou a ocassom para fazer-lhes perguntas, e ante a negativa a responder por parte dum dos militantes a polícia respondeu-lhe que podiam te-lo retido toda a noite até remata-se a súa turna, e que podía paralo sempre que quixese. Depois rexistrarom o carro no que íam.

Nestes últimos días outros moços e moças forom identificad@s às portas das suas casas ou bem em estaçons de comboios e autocarros.

Do Organismo Popular Anti-Repressivo Ceivar denunciamos estes factos repressivos que se estam dando na cidade de Ponte Vedra, que deixam ver bem às claras a farsa da democracía espanhola, a súa falsa liberdade de expressom. Pola nossa parte, mostrar a nossa solidariedade c@s militantes do C.S. Revira, e animar a todas as pessoas que sofrem este tipo de acosso a denuncialo.

CONTRA A REPRESSOM ESPANHOLA, SOLIDARIEDADE E LUITA!!