O guerrilheiro Santi Vigo, prisioneiro no cárcere espanhol de Dueñas, foi castigado na passada fim de semana a isolamento e privado do seu direito a comunicaçom. A sua compenheira sentimental, que se deslocou desde a Galiza para poder ve-lo e falar com ele, encontrou-se coa negativa do cárcere a permitir a comunicaçom na manhám do domingo, depois de que o combatente independentista se negasse no dia anterior a submeter-se a um cacheio integral antes de que lhe facilitassem umha bata para poder vestir-se.O cacheios integrais -isto é, obrigando o prisioneiro a despir-se- som utilizados habitualmente polos carcereiros para humilhar e submeter ainda mais às e aos prisioneiros. A legalidade permite-lhes fazê-lo depois dos vis-a-vis, co pretexto de evitar a entrada de drogas ou objectos proibidos na prisom, mas especificando que em todo momento se deve salvaguardar a dignidade do preso, o que na prática se traduze apenas em facilitar-lhe umha bata que permita o registro sem que o reclusso esteja completamente nú. Santi Vigo, como o resto de membros do Colectivo de Presos e Presas Independentistas, nega-se a submeter-se ao cacheio integral sem que se lhe garanta esta protecçom mínima da sua dignidade, e por isso é que foi castigado desta vez pola direcçom de Dueñas.
Ceivar tivo conhecimento de que detrás deste episódio se encontra a fixaçom que um carcereiro em concreto tem com Santi, desde que o galego denunciasse ante a direcçom os seus abusos de autoridade. Este organismo anti-repressivo investigará o caso e tomará as medidas que estiverem nas suas maos para apoiar desde fora a defesa exemplar que os prisioneiros galegos fam da sua dignidade, enfrentando dia a dia a miséria humana e moral dos seus captores.
FORÇA SANTI!
ANTES MORT@S QUE ESCRAV@S!