Concentraçom de Ceivar contra a repressom espanhola

De Ceivar convocamos umha concentraçom a próxima quarta-feira 26 de outubro baixo a legenda “STOP REPRESSOM Cartaz_ceivazESPANHOLA. LIBERDADE PARA GALIZA”. Na facultade de direito da USC estám a decorrer umhas jornadas tituladas “3ª Congreso Internacional de inteligencia, seguridad y defensa” que conta com a participaçom de militares, juizes, agentes do CNI, do FBI…Neste congreso reune-se o pior dos aparatos da repressom espanhola e internacional contra o Movimento Independentista e o conjunto dos movimentos populares.
Nesta quarta-feira fecha-se este congreso com um acto conduzido por um agente do CNI. De Ceivar também queremos estar presentes através de umha concentraçom para denunciar o papel repressivo destes corpos que se dam cita na USC. Denunciaremos o estado de excepçom baixo o que vive sumetido o movimento independentista -seguimentos, escuitas, intentos de infiltraçom, infiltraçons, detençons, criminalizaçons…-, a situaçom dos presos independentistas galegos e o conflito político que vive um sector do nosso Povo com Espanha.

Após os últimos movimentos desde o Ministerio del Interior para infiltrar o movimento independentista, a concentraçom desta quarta-feira é umha boa oportunidade para denunciar a repressom espanhola e seguir trabalhando polo exercício dos nossos direitos individuais -reuniom, manifestaçom…- e colectivos que como Povo nos correspondem.

STOP REPRESSOM ESPANHOLA!
LIBERDADE PARA GALIZA!