GUARDIA CIVIL TENTA RECADAR INFORMAÇOM SOBRE MILITANTES INDEPENDENTISTAS POR TODOS OS MEIOS

CeivarEfectivos da Guardia Civil mantenhem umha intensa actividade de seguimento, control e recadamento de informaçom sobre o independentismo e @s militantes galeg@s, de isso da boa conta a quantidade de denuncias públicas feitas desde a nossa web.

Nestes días, na cidade de Vigo, produziu-se a tentativa de abrir umha nova vía para sacar informaçom e datos sobre militantes independentistas.

Desta volta o Ministerio de Interior citou a umha jovem estudante de origem latinoamericano, para um encontro, utilizando a coartada de controlar a sua situaçom no Estado e comprovar que se atopava bem.

Esta moça convive com dous militantes independentistas em um piso da cidade.

A jovem estudante acudiu à cita, em umha cafeteria, desconfiada e sorprendida pola quantidade de informaçom que a pessoa que a chamou dispunha, domicilio, estudos… e polo lugar da reuniom, por nom ser umha oficina oficial do Estado.

Na entrevista pessoal, umha mulher, que se apresenta como Sara, ensina a placa da Guardia Civil, e mantem umha conversa quase de umha hora, em um tono distendido, amável e confiado sobre os estudos, as diferenças entre países… mentres fai preguntas arredor dos seus hábitos, horários, estudos…e preguntas sutís sobre @s companheir@s de piso. Insinua-lhe várias vezes se precissa ajuda económica; ante a negativa da jovem, a tal Sara, segue com a charla aparentemente sem interés informativo para gerar confiança e facilita-lhe um contacto e avisa-a de que voltará  falar com ela, já que este protocolo durará até que remate o tempo de estudos aquí, a metade de curso.

A jovem pregunta-lhe se é normal semelhante controlo policial sobre @s estudantes estrangeir@s, e a picoleta esquiva a situaçom dizendo que é aleatório e que nom deve preocupar-se polo protocolo, que se manterá até que abandone o Estado.

A picoleta reconhece chegar à cita desde a Corunha, alí está a Comandância, desde onde dirigem a repressom política no País. Ao rematar a cita acompanha-a ao portal do edificio onde vive, deixando bem claro o conhecimento sobre a situaçom do domicilio, aínda que tenta disimular.

Resulta evidente que estamos ante umha jogada do Ministerio de Interior para têr aceso à vivenda e dispor de mais informaçom sobre os militantes independentistas, a través da pressom e umha falsa confiança com esta moça estrangeira.

Denunciamos este novo intento, por suposto ilegal, da Guardia Civil para conseguir informaçom política e o recorte de direitos de que som objecto @s militantes independentistas e o seu círculo social próximo e animamos a seguir dando a conhecer estas prácticas do Estado. Pola nossa parte continuaremos vigilantes ante a possível continuidade da pressom cara esta moça para articular umha resposta.

CONTRA A REPRESSOM ESPANHOLA, SOLIDARIEDADE E LUITA!