O passo de “La Vuelta” é blindado com a ocupaçom policial do territorio galego

la_vuelta

A organizaçom de “La Vuelta” volveu empenhar-se em fazer passar a carreira ciclista por território galego. Esta tentativa do imperialismo espanhol de visibilizar a integraçom do País no seu marco territorial, foi respondida como era de agardar polo independentismo. E precisamente, ante a anunciada resposta de militantes galeg@s esta exaltaçom de espanholismo viu-se obrigada a ocupar policialmente as etapas galegas de “La Vuelta”.

O percorrido, estivo patrulhado permanentemente por efectivos da Guardia Civil de Tráfico, corpos especiais da Guardia Civil controlovam vilas e cidades e os finais de etapa estavam ateigados de anti-disturbios. Também se despregarom unidades de desactivaçom de explosivos para controlar os últimos quilómetros do percorrido.

Resaltar que estes dias produzirom-se identificaçons, registros exaustivos de carros, rematando com multas por questons tam excepcionais como dispor dumha navalha de uso doméstico, o ancho dos pneus, ou levar umha bandeira da patria pola janela do carro, também houvo pressons de agentes anti-disturbios para ocultar a simbologia galega, deixando bem claro a vontade repressiva especifica contra @s jovens independentistas.

Espanha, empenhou-se em fazer passar a sua “Vuelta” por Galiza, e viu-se obrigada a ocupar o território e repremer a liberdade de expressom para aparentar um passo tranquilo de carreira. Figerom-na passar, mas também sabem que foi assím pola presenza das suas forzas de ocupaçom.

Os espanhois devem comezar a comprender que a vontade deste país, de resistir e pelejar vai continuar sempre em pé, aínda que em frente nos situem centos de policias e picoletos. A repressom espanhola nunca vai sacar das ruas a luita galega.

LA VUELTA FORA DA GALIZA!!
CONTRA A REPRESSOM ESPANHOLA, SOLIDARIEDADE E LUITA!!