Como cada última sexta de mês, o Organismo Popular Anti-Repressivo Ceivar saiu à rua em diferentes cidades galegas em solidariedade cos presos independentistas galegos. O motivo da convocatoria destas concentraçons, que se venhem desenrolando dende o mês de novembro de 2010, é o jejum mensal que realiza o Colectivo de Presos Independentistas Galegos, para reclamar umha serie de reivindicaçons:
– Reconhecimento da sua condiçom de prisioneir@s polític@s.
– Reagrupamento dos membros do CPIG num mesmo cárcere.
– Fim da ilegal política de dispersom.
– Traslado a umha prisom em território galego.
– Melhora geral das condiçons de vida na prisom, alimentaçom, higiene, atençom sanitária, comunicaçons… – Cessamento do actual regime de reclusom aplicado nos centros de menores.
Neste mês de agosto, convocarom-se concentraçons nas cidades de Vigo, na que se despregou umha faixa em fronte do Marco.
Em Lugo, na que se despregou umha faixa no pregom da feira medieval do bairro da Milagrosa, diante das autoridades políticas municipais.
Em Ourense, arredor de 25 pessoas despregarom umha faixa diante da Subdelegaçom do Governo.
Por último em Compostela, arredor de 10 pessoas despregavam umha faixa na Praça da Galiza.
O mês que vém volveremos sair à rua para esixir a liberdade dos presos independentistas galegos.
CONTRA A REPRESSOM ESPANHOLA, LUITA E SOLIDARIEDADE!!!