Arredor de 20 pessoas juntarom-se no cemiterio de Sam Joam de Lainho no passado 12 de agosto para homenagear a Jose Ramom Reboiras Noia. Dito acto, consisteu na lectura dum comunicado que reproducimos a continuaçom, e numha ofrenda floral.
Hoje, concentramo-nos aquí, neste cemiterio para render homenagem a Jose Ramom Reboiras Noia, morto em combate hai 36 anos, em um día como hoje, na rúa da Terra, em Ferrol, depois de um enfrentamento armado ante centos de efectivos da repressom espanhola. E concentramo-nos tambem para desde o Organismo Popular Anti-repressivo Ceivar reafirmar o nosso compromisso incondicional com os homes e mulheres que neste País sofrem a repressom política, permanente desde hai mais de tres décadas e, nestes tempos de novo presente com crueza e intensidade, por enfrentar decididamente a opressom, o espólio e a ocupaçom que Espanha mantem sobre a nossa Naçom.
José Ramom Reboiras foi um joven procedente de umha familia humilde, criou-se em um bairro popular, conheceu a exploraçom, as contradiçons inerentes a este sistema capitalista , que rouba,depreda e condena à maioría social à miseria e a precariedade. Este joven, Moncho começa tomar consciencia da injustiça social, e a ter contactos com grupos culturais galeguistas. Contactando com muit@s outr@s jovens e movéndo-se nos ambientes anti-franquistas.
A finais dos 60 Moncho ja tinha umha conciência política nacionalista e de clase formada, e integra-se na Unión do Pobo Galego, organizaçom clandestina que durante os seguintes anos estendería o nacionalismo popular no ámbito político, sindical, labrego, cultural…
Moncho, desenvolve umha labor fundamental na Fronte Cultural da UPG, implica-se nas luitas obreiras do ´72. Participa nos inicios do sindicalismo nacional.
Nestes anos a implantaçom e consolidaçom do nacionalismo, e a pressom policial, que se saldava com detençons e torturas habitualmente, obrigava a adoptar maiores medidas de segurança. As fugidas e a clandestinidade som cada vez mais habituais. Todo isto conleva umha clarificaçom estratégica e decide-se a criaçom da Fronte Armada, ante a necessidade de passar a formas de luita mais avanzadas e de apoio à luita popular.
Moncho Reboiras, na clandestinidade militante, é o responsável de um grupo que realiza distintas acçons para adquirir fundos, meios para a luita revolucionária e desenvolve trabalhos em defesa dos intereses populares e nacionais.
O 12 de Agosto de 1.975 centos de agentes policiais realizam duzias de registos na cidade de Ferrol e rodeiam umha vivenda na que se atopam militantes do nacionalismo popular.As posibilidades de sair eran escassas, os militantes decidem separar-se. Moncho centra a atençom sobre él, movendo-se polos telhados próximos, o que facilita a fugida dos seus dous companheiros.
Depois de horas de tensom e enfrentamento com as forças de ocupaçom cai abatido por diversos impactos de bala em um portal da rúa da Terra. Um impacto na caluga dá conta da clara intençom da actuaçom policial.
Sucedem-se detençons e registros, fugidas… Este duro golpe desmante-la a primeira tentativa de dotar à luita galega de um nucleo armado para a libertaçom nacional e popular.
O que nos interessa aquí hoje, é render homenagem a Moncho, manter sempre viva a memoria colectiva do melhor da nossa luita histórica, e renovar o compromisso até o final com @s combatentes Gales@s. Porque é motivo de orgulho colectivo, que hoje igual que hai 36 anos, este País tem militantes fugidos na clandestinidade, tem presos, tem homes e mulheres dispostos a fazer avançar o proceso de libertaçom nacional com determinaçom e valentía.
Quando um povo luita, a repressom, as detençons, o cárcere, a tortura e mesmo a morte som o alto preço a pagar pola dignidade e a esperança de um futuro nosso.
Diante da tumba de José Ramom Reboiras, nós volvemos a afirmar o nosso respaldo e solidariedade ante quem sofre a repressom española, e a firme vontade de continuar na luita e levantar um forte muro contra as gadoupas de Espanha.
CONTRA A REPRESSOM ESPANHOLA,SOLIDARIEDADE E LUITA!!!
MONCHO REBOIRAS, A LUITA CONTINUA!!!
VIVA GALIZA CEIVE E SOCIALISTA!!!