A vêspera do dia da Pátria tem-se caracterizado por ser a mocidade independentista a grande protagonista deste dia de mobilizaçom e luita na capital galega, assim como pola desmesurada ocupaçom policial da cidade. Os variados actos e mobilizaçons sempre estiveram acompanhadas de grandes despregamentos policiais coercitivos e consecuentemente dumha grande ameaça repressiva. Ameaça que ano trás ano se tornou violência policial contra a juventude independentista. Na última decada tenhem sido centos as moças e moços golpeados, feridos ou detidos polas forças de ocupaçom.
Neste contexto o 24 de Julho deste nom podia ser diferente. Bem pola contra voltou ser umha noite de violência policial contra aqueles e aquelas jovens que nom renunciam à Pátria Galega manifestando-se polas ruas da cidade.
Por volta das onze e meia da noite o organismo era informado da detençom dum jovem marinhao, disponibilizando-se imediatamente um advogado para averiguar a situaçom do detido e dar-lhe cobertura jurídica. Já na manhanzinha do dia da Pátria soubemos da detençom doutros dous jovens vinculados à organizaçom juvenil Briga e a NÓS-Unidade Popular. Os três estavam em liberdade com cárregos à primeira hora da tarde.
Por outra parte recebemos várias denúncias de jovens que foram interceptados e brutalmente agredidos por polícias à paisana encapuzados que andavam à caça de jovens independentistas que vinham de participar nos diferentes actos realizados durante a tarde-noite. O organismo está a preparar a denúncia judicial por estas agressons policiais. Pola sua parte a manifestaçom da organizaçom juvenil Briga nom conseguiu sair devido ao impedimento da polícia espanhola que dissolveu às pessoas concentradas.
De Ceivar manifestamos a nossa solidariedade coas pessoas detidas e agredidas.
ADIANTE A JUVENTUDE INDEPENDENTISTA!!