IV Cadeia humana pola liberdade dos presos independentistas

Na vêspera do dia da Pátria Ceivar organizou um dos actos centrais da sua agenda anti-repressiva de 2011. A Cadeia humana pola liberdade dos presos independentistas chegava à sua quarta ediçom, reeditado-se no mesmo empraçamento que em anos anteriores. A Praça da Galiza e as ruas da zona velha da cidade de Compostela foram novamente o cenário para esta cita anual de solidariedade e apoio aos patriotas galegos presos. Por volta de trescentas pessoas responderam à convocatória do organismo popular anti-repressivo num ámbiente muito animado e reivindicativo. Após permanecer por espaço de aproximadamente meia hora na praça a cadeia humana deslocou-se até a Praça 8 de Março mantendo a sua formaçom e ocupando vários centos de metros polas ruas da zona velha. Umha vez ali, Ceivar encerrou a mobilizaçom com um acto político, onde além das intervençons de Africa Leira em representaçom da Plataforma Que voltem a casa, e do portavoz nacional de Ceivar, Óscar Gomes, foi reproduzido um áudio coa intervençom de Santi Vigo desde a prisom de Dueñas-Palencia, em nome do Colectivo de Presos Independentistas Galegos.