OBRIGAM A FAMILIARES DOS PRESOS INDEPENDENTISTAS A PASSAR CONTROLO DATILAR E FOTOGRÁFICO PARA ACEDER ÀS COMUNICAÇONS.

CEI
Instituciones Penitenciarias continua a aumentar a repressom engadida aos familiares dos presos independentistas, se até agora a dispersom,a restriçom e intervençom das comunicaçons telefónicas e das cartas, os cacheios corporais  aleatórios… eram praticas habituais nos cárceres espanhois, sofridas polos achegados aos presos, agora engáde-se a decissom recente do Ministerio de Interior de obrigar aos familiares a someter-se a um controlo de aceso ao interior da prissom , com foto-grafía e tomada de pegadas datilares, similar ao que efectúa a policia nas detençons. este protocolo repete-se ao saír das comunicaçons.

Isto foi o que lhe aconteceu o passado fim de semana à companheira de Santi Vigo, quando acudia a visita-lo na cadeia de Dueñas, Palencia. Os carcereiros avissarom que de negar-se a passar por este protocolo nom poderia aceder às comunicaçons.

O governo espanhol aduce motivos de seguridade como sempre nestes casos, para pretender justificar esta nova medida contra os direitos mais elementares à intimidade das pessoas que visitam aos nossos presos. Esta decissom ademais de injustificável é umha auténtica aberraçom jurídica, que recorta gravemente os direitos de pessoas que nom som objeto de nengumha decissom judicial.

Estas praticas repressivas que estendem de maneira deliberada a repressom ao entorno familiar e  afetivo dos presos, é umha expressom mais da ofensiva fascista do Estado espanhol contra os direitos sociais. A fascistizaçom avança na rúa, no trabalho e tambem, sem nengum tipo de pudor, nas prissons espanholas.

De Ceivar nom permitiremos que estas decissons permanezam na impunidade,continuaremos na denuncia permanente e na socializaçom desta “democracia à espanhola” e animamos  a tod@s @s democratas  e pessoas sensíveis com os direitos humanos a estender a solidariedade ante a repressom espanhola.


CONTRA  A REPRESSOM,DENUNCIA E SOLIDARIEDADE!!!

NENGUMHA AGRESSOM SEM RESPOSTA!!!