Som poucas as ocasions nas que podemos anunciar boas novas neste WEB, a nossa funçom e a própria realidade repressiva que vive o independentismo e em geral o País nom dá para grandes congratulaçons. Esta é umha dessas ocasions.
Após quatro anos e nove meses de cativeiro e depois de ter sido dispersado polos cárceres de Navalcarnero, Soto del Real, Cáceres e Puerto de Santamaria, nesta manhá o militante independentista abandonava a prisom de Dueñas, Palencia. Familiares e amigos do ex-preso independentista aguardam-no às portas da cadeia. Momentos depois tomavam rumo à Terra.
Ugio Caamanho fora condenado pola Audiencia Nacional por umha acçom contra umha entidade bancária na cidade de Compostela no ano 2005. Posteriormente foi-lhe imposta umha outra condena por tentativa de fuga do cárcere de Cáceres no ano 2007.
De Ceivar congratulamo-nos por esta nova excarceraçom e animamos a todas e todos a participar dum caloroso recebimento o sábado 7 de Maio às 20:00 na Praça do Toural da capital galega.