Atos do 17 de Abril. Dia internacional de apoio às presas e presos políticos

Lá interviram os portavozes de Ceivar e do Colectivo de Presos Independentistas Galegos, o segundo via gravaçom telefónica desde o cárcere de Dueñas (Palencia). O portavoz nacional de Ceivar alicerçou o seu discurso na legitimidade da luita contra umha legalidade opressiva e de violência estrutural do poder político e económico contra a naçom e o povo trabalhador, no reconhecimento da condiçom presos políticos dos militantes encarcerados e a denúncia da política repressiva que sofrem, e na necessidade da solidariedade ativa e o apoio permanente aos presos independentistas. Aliás reflexionou sobre o incremento da repressom no País e a necessidade estratégica de fortalecermos a estrutura anti-repressiva, dando-lhe mais solidez e capacidade operativa. O portavoz de Ceivar rematou o seu discurso com umha lembrança do ex-preso independentista e colaborador de Ceivar recentemente finado José Manuel Sanmartim Bouça “Martinho”, também extendeu as mostras de solidariedade de Ceivar com os presos independentistas neste dia internacional de apoio às presas e presos políticos à totalidade de prisioneiras e prisioneiros políticos galegos.
A mobilizaçom polas ruas de Compostela deu passagem a um jantar comunitário no Centro Social Arredista. Estando prevista para as cinco da tarde a representaçom da peça teatral Matilda a cárrego deo grupo Bicodobrelo, esta nom se pudo realizar por causa dumha lessom.
De Ceivar agradecemos o contributo de todas as pessoas e coletivos que participaram na convocatória e realizaçom destes atos e congratulamo-nos por esta modesta mas firme mostra de apoio aos presos independentistas.