Desestimaçom do recurso de apelaçom por pintar de rosa a fachada da casa natal de Franco

rosanos-upA secçom 2ª da Audiência provincial da Corunha desestima o recurso de apelaçom apresentado polos quatro militantes de NOS-UP contra a condena imposta polo Julgado do Penal nº1 de Ferrol em Setembro de 2010. Remontamonos a 2005 quando os quatro encausados pintarom de cor-de-rosa a fachada da casa natal de Franco na cidade de Ferrol dentro da campanha contra a presença de simbologia fascista na Galiza desenvolta pola organizaçom independentista. A sentença determina multas de 600€ para cada um dos imputados por um delito de danos e umha falta de deslucimento.

A continuaçom reproduzimos o comunicado efetuado pola Direçom Nacional de NÓS-UP:

Justiça espanhola teima em reprimir o compromisso antifascista.

NÓS-Unidade Popular quer expressar o seu rejeitamento perante a sentença ditada pola Seçom 2ª da Audiência Provincial da Corunha que desestima o recurso de apelaçom apresentado contra a condena de quatro companheiros e membros da Direçom Nacional da nossa organizaçom, emitida previamente polo Julgado do Penal nº1 de Ferrol em setembro de 2010.

O órgao judicial espanhol confirma a sançom económica de 600 euros para os companheiros Alberte Moço Quintela, José Dias, Cadaveira ,Carlos Morais e Abraám Alonso Pinheiro por um delito de danos e umha falta de deslucimento. Um total de 2.400 euros por limparem as ruas da Galiza da simbologia fascista.

Lembremos que a açom pola que os quatro companheiros fôrom condenados consistiu em pintar de cor-de-rosa a fachada da casa natal de Franco na cidade de Ferrol. Esta açom realizou-se em novembro de 2005 e fazia parta da campanha desenvolvida pola nossa organizaçom contra a simbologia fascista ainda presente em múltiplos espaços públicos do nosso País 30 anos depois da morte do ditador. Umha campanha nacional que finalizou com a retirada de centenas de símbolos franquistas por toda a geografia nacional.

Em 2011, e apesar da aprovaçom da Lei de Memória Histórica por parte do Congresso espanhol em 2007, lei que como é sabido inclui a retirada da simbologia fascista presente em espaços públicos, o ativismo antifascista segue a ser perseguido pola justiça espanhola. Nom som denunciadas, julgadas nem condenadas as instituiçons que, pola contra, teimam em manter a simbologia que exalta a barbárie fascista. Umha prova clara da insuficiência da citada lei e das limitaçons democráticas do regime nascido dos acordos entre o fascismo e a esquerda vendida e domesticada.

NÓS-Unidade Popular reafirma-se na legitimidade e justiça desta açom, diga o que diga o sistema judicial do Estado espanhol. Continuaremos de defender e a praticar a higiene democrática até que na Galiza nom fique nem um só recordo que exalte o Genocídio Galego e os seus autores e humilhe o nosso povo trabalhador.

Fazemos um apelo à solidariedade económica para afrontar as multas dos quatro companheiros ingressando na conta 2091 0316 99 3040015276 (Conceito Solidariedade Antifascistas) a vossa aportaçom.

Direçom Nacional de NÓS-Unidade Popular