Chegam as primeiras multas trás a visita do Papa

papapicoleto
Na Galiza sabemos que há certos sectores políticos e certas reivindicaçons que som silenciadas sistematicamente a base de ostracismo informativo nos meios públicos e empresariais mas também de censura e repressom física governamental. A tam nomeada liberdade de expressom é nestes casos simplesmente suprimida.Claro exemplo do que falamos foi o tratamento dado polos governos autonómico e central ao destacável movimento popular que se organizou para mostrar o rechaço à visita do chefe do Estado Vaticano, o tristemente conhecido polo seu passado nazi e pola sua indulgência nos casos de pederastia, Joshep Ratzinger, ao nosso País o passado mês de Novembro, e com isto o rechaço a todo o que representa a maior das seitas católicas: discriminaçom das mulheres, repressom sexual, obediência cega ao poder, cumplicidade com ditaduras e genocídios como o sofrido polo nosso povo secularmente, e forma especial durante os quarenta anos de ditadura militar.

Sob a falácia de ser um bom investimento que repercutiria positivamente na economia local, os governos autonómico e central nom repararam em gastos. Grandes somas de dinheiro público, meios e recursos foram dispostos para organizar a visita papal, os mais destacáveis: os milhons de euros que empregou a TVG para cobrir o evento e o envio de milhares de polícias espanhois por parte do Ministerio del Interior, e que nos dias prévios cometeram infinidade de abusos sobre a vizinhança compostelá: cacheios, registos de carros, restricçom ao tránsito peonil.. e especialmente reprimiram toda mostra de protesto, inclusso chegando a intimidar vizinhos e vizinhas nas suas próprias moradas.

No próprio dia da visita fora desautorizada umha manifestaçom e nom confome com isto, o delegado governativo, Antom Louro, apesar dos organizadores desistir e comunicar aos assistentes a desconvocatória da manifestaçom, ordenou a repressom física contra as pessoas concentradas na Porta do Caminho. Resultando numerosas pessoas contusionadas polos golpes da polícia espanhola. Por se nom avondar, a muitas das pessoas identificadas esse dia na Alameda começaram a chegar-lhe notificaçons de expedientes sancionadores por supostas desordes públicas que ascendem a 500 euros por pessoa.

Mais umha vez ferventes e abnegados demócratas e defensores do estado de direito como Alberto Núñez Feijoo ou Antom Louro aplicam a censura, a supressom de direitos fundamentais e a repressom como ferramentas para silenciar e combater posicionamientos políticos e ideológicos dissidentes, atingido a cada passo a mais expressons e mais sectores populares.

 

PSOE, PP: FASCISTAS REPRESSORES!!

AVANTE O MOVIMENTO POPULAR GALEGO!!