Solidariedade com o preso independentista Miguel Nicolás

miguel_liberdade_concentr

Enquanto a sua situaçom judicial continua ancorada no secreto de sumário, impossibilitando o artelhamento dumha defesa jurídica efectiva, e a prisom preventiva se alonga já dous meses, o preso independentista Miguel Nicolás Aparício continua recebendo mostras de solidariedade e apoio.

O passado domingo por volta dum cento de pessoas respondiam à convocatória de concentraçom diante do cárcere d’A Lama lançada polo Comité de solidariedade e apoio a Miguel. Na hora aproximada que @s concentrad@s permaneceram às portas da prisom nom cessaram as palavras de orde pedindo a sua liberdade, assinalando o capitalismo como ente verdadeiramente terrorista, assim como contrapondo o encarceramento de militantes revolucionários coa indulgência judicial no que di respeito a delinqüência política e institucional.

Para dar continuidade a esta campanha de solidariedade e apoio está prevista umha nova concentraçom o próximo dia 1 de março no bairro de Teis.

LIBERDADE PATRIOTAS GALEGOS!!