O manifesto, apresentado publicamente há duas semanas pola Iniciativa Popular SOMOS GALEGO através do blogue http://somosgalego.blogaliza.org/, denuncia a situaçom de desprotecçom e agressom que sofre a nossa língua, assim como a paralisaçom e involuiçom que esta a sofrer o tímido processo de normalizaçom lingüística da mao das políticas lingüísticas do actual governo autonómico. Aliás rejeita de cheio a acosa e os processos repressivos contra agentes normalizadores que desenvolvem a sua actividade nas ruas das nossas vilas e cidades. A Iniciativa Popular solidariza-se com todas aquelas pessoas e entidades que sofreram ou sofrem processos sancionadores ou judiciais e mostra o seu apoio às iniciativas solidárias com estas.
O Manifesto contra a repressom lingüística já foi assinado por diferentes organizaçons sindicais, políticas, juvenis, culturais,.. entre as que se encontra o Organismo Popular Anti-repressivo CEIVAR, assim como por dúzias de pessoas a título individual, ficando aberto a novas adesons.