Por causa do elevado número de casos repressivos que atendemos e com eles do volume de trabalho e portanto do custo económico que estes suponhem, o Organismo Popular Anti-repressivo CEIVAR, decidiu modificar a gestom dos processos judiciais para adaptá-los à nossa realidade e capacidade económica. Se até o momento a condiçom de associad@ nom era imprescindível para contar com serviço jurídico coberto polo organismo, a realidade impom-nos a modificaçom deste ponto, sem que esta decisom tenha carácter retroactivo, quer dizer, nom afectará aos processos já iniciados. Aliás ficarám excluídos os processos no tribunal de excepçom Audiencia Nacional
Aquelas pessoas que forem repressaliadas pola sua militança independentista ou pola sua participaçom em actividades socio-políticas relacionadas com o processo de libertaçom nacional e social do Povo Galego receberam apoio por parte do organismo. A prestaçom de serviços jurídicos ficará limitada a aquelas pessoas que estiverem associadas* ao organismo. Às pessoas nom associadas Ceivar facilitará-lhes contactos de advogados de confiança com honorários acessíveis. A denúncia publica fará-se sem excepçons.
De Ceivar animamos-vos a todas e todos a vos associardes ou a manterdes umha colaboraçom económica permanente para garantir um organismo anti-repressivo com maiores capacidades, e que poda aspirar a novos objectivos sem ter como obstáculo a questom económica.
*As pessoas associadas disporám de cobertura jurídica gratuíta, aliás Ceivar sufragará o 50% do custo do procurador/a e doutros serviços profissionais; peritos, notários, .. que @ advogad@ considerar necessários para a defensa.
Recebede umha forte aperta de,
CEIVAR-Organismo Popular Anti-repressivo