Constituem Comité de solidariedade e apoio a Miguel Nicolás

maosA semana passada constituia-se em Vigo o Comité de solidariedade e apoio a Miguel Nicolás. A sede da Central Unitaria de Traballadores foi o lugar no que onze organizaçons sindicais, políticas, anti-repressivas, .. entre elas o Organismo Popular Anti-repressivo Ceivar, se juntaram para artelhar umha campanha solidária e de apoio ao jovem militante obreiro. O Comité que se acordou constituir tem carácter aberto e procurará a implicaçom doutras organizaçons que nom estiveram presentes nesta primeira reuniom.

Na reuniom além de informar-se da situaçom judicial e penitenciária actual do companheiro para tratar de cobrir as necessidades nesse sentido, marcaram-se as primeiras actividades do Comité, estas serám a elaboraçom de propaganda para distribuir na jornada de greve geral do próximo 27 de janeiro; a convocatória dumha concentraçom o 1 de fevereiro às 20:00 nas imediaçons do mercado do Calvário em Vigo; e a convocatória dumha outra concentraçom nas imediaçons da prisom d’A Lama o dia 13 de fevereiro pola manhá.

Aliás a CUT disponibilizou um número de conta na novacaixagalicia para paliar os custos económico desta situaçom processal e penitenciária de Miguel: 2080 0079 90 0040012053