No dia 30 de Dezembro coincidindo com o jejum mensal que realiza o Colectivo de Presos Independentistas Galegos, desenvolveram-se concentraçons de apoio ao CPIG e às suas reivindicaçons de: reconhecimento da sua condiçom de presos políticos, fim da dispersom penitenciária e translado a Galiza, reagrupamento num mesmo cárcere dos membros do colectivo, a melhora geral de condiçons de vida nos cárceres e o cessamento do actual regime de reclusom aplicado nos centros de menores.
Vários centos de solidárias e solidários responderam à convocatória de Ceivar que se realizou nas localidades de Vigo, Lugo, Ourense, Compostela, Ferrol, Ponte Vedra e Corunha. Se bem o desenvolvimento dos actos transcorreu com normalidade na maioria das localidades a pesar dos obstáculos postos pola “Delegación del Gobierno” dirigida por Antom Louro, que tratou em vam de impedi-las, em Corunha um amplo dispositivo policial coaccionou e intimidou o acto de tal forma que o Comité local de Ceivar viu-se obrigado a reduzir o acto à distribuiçom de propaganda após as ameaças de sançons e mesmo da disoluçom violenta da concentraçom solidária. Em Vigo, apesar de o Comité Local de Ceivar ter comunicado com tempo avondo o acto, a polícia espanhola personou-se coa intençom de impedi-la, sem éxito, em base a umha suposta comunicaçom fora de prazo que a “Subdelegación del Gobierno” argalhou de forma fraudulenta e mesquinha tratando de vulnerar os direitos à liberdade de reuniom, manifestaçom e expressom.
Nas concentraçons lembrou-se também a situaçom do jovem militante obreiro Miguel Nicolás, preso desde o 18 de Dezembro no cárcere d’A Lama. Reclamando-se a sua imediata posta em liberdade. A seguir reproduzimos o discurso do Organismo Popular Anti-repressivo com motivo do seu encarceramento.