Umha pessoa foi detida em Vigo pola sua presunta participaçom num dos ataques a duas delegaçons do INEM.
O contexto sócio-económico que padecem a classe obreira galega e o conjunto dos trabalhadores e classes populares do País, que se agrava dia a dia, com níveis de sobre-exploraçom e precariedade dramáticos, e com vários centos de milhares de desempregados e desempregadas,etc é o cenário dos últimos factos de repressom política na comarca de Vigo.
No meio dia de antonte a polícia espanhola detinha em Vigo um jovem militante do movimento obreiro na comarca de Vigo que responde aos iniciais de M.N.A. acusado de ter participado junto outros num dos ataques que sofreram as delegaçons do INEM em Coia (Vigo) e Torneiros ( Porrinho) na madrugada da terça-feira. Segundo informaçons dos média empresariais que aludiam a informaçons da polícia, a investigaçom continuaria aberta à procura doutras três pessoas, supostamente coautoras ou cumplices dos factos. Apontando aliás, que todas elas estariam vinculadas à Plataforma de desempregados do Naval.
A acusaçom contra M.N.A. basea-se num. indício sem visos provatórios que dim respeito à titularidade dum carro que estivo estacionado perto dos factos acontecidos no bairro viguês de Coia.
M.N.A. será posto a disposiçom judiciária hoje às 18:00 nos julgados da rua Lalim.
O Organismo Popular Anti-repressivo recaba dados que confirmem estas informaçons para ampliá-las e mostrar a sua solidariedade ante estes novos factos repressivos.