Presos independentistas galegos constituem o CPIG.

presosaruaaluitacontinuaAnte o que vem sendo umha constante desde o ano 2005, ano no que começou um novo período de encarceramento de militantes independentistas, e para continuar e alargar mais a sua coordenaçom, as medidas de protesto conjuntas, a reflexom e o apoio mútuo, e aliás para do seu ámbito continuar achegando colectivamente o seu grao de areia à luita pola libertaçom nacional e social galega, os militantes independentistas presos venhem de constituir o COLECTIVO DE PRES@S INDEPENDENTISTAS GALEG@S.
Desejando-lhe um frutifero caminho cheio de conquistas e assumindo as suas reivindicaçons como próprias, a seguir publicamos o seu manifesto constituinte. 


MANIFESTO C.P.I.G


COLECTIVO DE PRES@S INDEPENDENTISTAS GALEG@S

Como sabemos a luita de libertaçom nacional que nos enfrenta com Espanha salda-se desde hai várias décadas até a actualidade com patriotas encarcerad@s polo seu compromisso honesto e valente com a causa galega.

Desde hai mais de trinta anos até hoje,mais de 60 militantes galeg@s fomos encarcerad@s sofrendo o brutal régime penitenciário espanhol,aplicando sobre nós, um tratamento especial. A incomunicaçom, o isolamento, a dispersom, as agressons físicas, a pressom e a chantagem, sançons e todo tipo de arbitrariedades som prácticas sistemáticas nas cadeias.

O Estado espanhol nom reconhece a nossa condiçom de luitadores inseridos num conflito político, mas legisla-se e actua-se em funçom de um inimigo político que deve ser desactivado e destruído. Procura-se o desgaste físico e psicológico d@s prisioneir@s com a clara intençom de dobregar a nossa vontade e espirito de luita e resistência.

Fracassam nesta tentativa, a dignidade e a inteireza que nos trouxo aquí, mantem-nos firmes e orgulhosos do compromisso adquirido com a Terra, e afortala-nos para resistir nestas condiçons.

Hai vários anos que as prisons espanholas volvem recluír no seu interior pres@s independentistas, abrindo um novo frente de resistência e actuaçom para a luita galega.

Neste tempo existírom dinámicas conjuntas de protesta, comunicaçom e apoio mútuo. Agora consideramos que chegou o momento de dar um passo mais, a existência de um Colectivo coeso é importante para nós e para a luita na rua.

Os presos independentistas galegos queremos transmitir ao nosso povo, e particularmente à base social nacionalista, a nossa decisom de constituír o Colectivo de Pres@s Independentistas Galeg@s.

De agora em diante o Colectivo ficará integrado por tod@s @s militantes encadead@s polo seu compromisso com a luita de libertaçom nacional ,e o seu funcionamento será decidido e orientado dentro das cadeias.

Exigimos ao Governo espanhol:

-O reconhecimento da nossa condiçom de prisioneir@s polític@s.

-O reagrupamento num mesmo cárcere do Colectivo.

-O fim da ilegal dispersom,o traslado a umha prisom em território galego.

-A melhora geral das condiçons de vida na prisom, alimentaçom, higiene, atençom sanitária, comunicaçons.

-Reclamamos o cessamento do actual regime de reclusom aplicado nos centros de menores.

Neste sentido anunciamos o início de um jejum colectivo todas as últimas sextas-feiras de cada mês, como medida de denúncia e reivindicaçom permanente. Pola reunificaçom do Colectivo e polo traslado à Terra.

Para rematar queremos aproveitar a ocasiom para enviar um caloroso abraço a tod@s @s ex-pres@s independentistas, aos/às familiares e amig@s, vítimas inocentes da cruel política penitenciária, e aos/às solidári@s com a luita anti-repressiva, e também a tod@s @s que desde muitas formas e ámbitos diferentes continuam a pelejar por umha Galiza Livre.

RESISTIR É VENCER

VIVA A LUITA INDEPENDENTISTA

VIVA GALIZA CEIVE

Ugío Caamanho Sam-Tisso

Santiago Vigo Domínguez

José Manuel Sanchez Gorgas