À ocupaçom policial de Compostela e ao seu conseguinte estado de vulneraçom de direitos e liberdades sobre a populaçom há que lhe somar desde as nove da noite de hoje a violência física contra as pessoas que participavam da convocatória popular que denunciava a próxima visita à capital galega do Chefe do Estado Vaticano, Joseph Ratzinger.
A manifestaçom convocada pola Iniciativa Popular “Eu nom te espero” que fora proibida horas antes pola “Delegación del Gobierno”, e que aliás enviou forças de choque para intimidá-la e finalmente agredí-la, nom pudo sair da Alameda. As agressons policiais em forma de cargas indiscriminadas começaram umha vez que a Iniciativa Popular decidira desconvocar a manifestaçom dando passagem à leitura dum manifesto. É nesse momento, quando a gente começa a retirar-se, que se produz a primeira das cargas. Reproduzindo-se a violência policial por outras ruas e praças nas horas a continuar estendendo a sua violência, neste caso verbal, a transeuntes e condutores e encontrando a oposiçom de grupos de pessoas. A agressom policial deixou vários detidos, baralhando-se neste momento o número de cinco, aliás deixou várias pessoas feridas algumhas delas a receber atençons médicas. Ceivar começou a gerir a atençom das pessoas detidas.
PSOE REPRESSORES!!