Urgente: Três pessoas detidas em Compostela.

Umha mulher e dous homes que respondem às iniciais de I.C., R.A. e A.P. forom detidos à noitinha na zona velha de Compostela.
Com motivo da concentraçom convocada por Ceivar para denúnciar as detençons de José M. Sánchez e Sánti Vigo a zona velha de Compostela ateigou-se de polícias de choque, que além de intimidar a aquelas pessoas que participavam e outras que pretendiam participar da concentraçom, ao calor da campanha mediática e repressiva contra o independentismo, procurava a detençom de vários militantes. No curso das identificaçons que se produziram na praça e anteriormente nas imediaçons foram detidos R.A. e I.C. Posteriormente e trás a polícia espanhola peitear a zona era detido A.P.
Sem poder afirmá-lo com total certeza as detençons estariam relacionadas com os momentos de tensom que se viveram o passado domingo nos julgados de Compostela coincidindo coa passagem a disposiçom judicial do preso independentista Sánti Vigo.
Ceivar convoca de forma urgente umha concentraçom solidária amanhá 15 de Outubro às 10:00 nos julgados de Compostela.