Santiago Vigo Domínguez era detido na tarde do sábado num local dum bairro da cidade de Compostela. A detençom produzia-se enquanto passava a tarde coa sua companheira e amigos de ambos.
O jovem militante independentista era conduzido para a esquadra da polícia espanhola para posteriormente, já de manhá, ser conduzido aos julgados de Fontinhas e a seguir para o cárcere de Teixeiro. Umha dúzia de militantes e simpatizantes de Ceivar concentravam-se nos julgados a primeira hora da manhá para dar ánimos os militante detido. Destacar que nos julgados se viveram momentos de tensom no momento da apariçom de Sánti Vigo. Quando os polícias que acompanhavam o militante trataram de impedir o contacto físico das pessoas concentradas, entre elas a sua companheira. Ante a perseveráncia das pessoas concentradas na sua determinaçom de apoiar o jovem independentista, forças de choque da polícia espanhola personaram-se no lugar para disolver a concentraçom.
Sánti Vigo atopa-se na mesma situaçom judiciária que José M. Sánchez Gorgas, detido a passada quinta-feira (ler nova anterior). Aliás, no caso de Sánti Vigo, a sua estáncia anteior em prisom deixou aberto um procedimento judiciário pola agressom que sofreu a maos dos carcereiros do cárcere de Alcalá-Meco, e que se vem numha primeira instáncia no julgados ordinários de Madrid fora desestimado, após o recurso dos advogados do preso independentista, o processo foi admitido a trámite polo Tribunal Supremo, conseqüência disto é que se produzirám novas comparecências do director da prisom e doutros carcereiros para dar continuidade ao processo por agressom ao militante independentista.
DEFENDER A TERRA NOM É DELITO!!
LIBERDADE INDEPENDENTISTAS!!