José M. Sánchez Gorgas detido onte à tarde em Compostela.

Jose_Manuel_Sanches_GorgasJosé M. Sánchez Gorgas fora detido junto a Sánti Vigo na localidade de Portosim em Dezembro de 2007, o seu arresto por parte da Guardia Civil deveu-se a umha acçom armada contra interesses da especulaçom inmobiliária que se dispunham a realizar, e que fora abortada por umha patrulha das forças de ocupaçom espanholas.

José M. Sánchez e Sánti Vigo foram ingressados em prisom preventiva e dispersados a cárceres fora da Galiza. Em Outubro de 2009 os dous presos independentistas foram julgados e condenados a um ano de prisom por danos terroristas em grau de tentativa. Sendo excarcerados esse mesmo mês de Outubro de 2009. Após a apresentaçom de recurso perante o Tribunal Supremo por parte do fiscal, em junho deste ano este tribunal elevou a pena a quatro anos de prisom ao considerar que se tratava dum depósito de explosivos. A sentença do T.S. era firme e nom deixava possibilidade de recurso nengum. Meses depois ordenavam o ingresso em prisom dos dous militantes. Há dous meses que ambos se encontravam em situaçom de busca e captura depois de nom se terem apresentado voluntariamente a cuprir o resto da condena.
José M. Sanchez era detido onte à tarde em Compostela e conduzido à esquadra da polícia espanhola. Hoje pola manhá estava disposta a sua apresentaçom nos julgados da capital galega.
Ceivar convocava concentraçom de urgência nestes julgados às 10:00. Assim mesmo o organismo anti-repressivo organiza nestes momentos a denúncia pública que incluirá concentraçons nas principáis cidades do País. Disponibilizaremos mais informaçom quando se vaia concretando.

DEFENDER A TERRA NOM É DELITO!!
LIBERDADE INDEPENDENTISTAS!!