Militantes independentistas denunciam sustracçom de propaganda política por parte da polícia.

Imagen_909Se na passada semana companheiros do organismo em Vigo comentaram o boitcote da polícia municipal a umha campanha pola liberdade dos presos independentistas galegos, perto de vinte faixas foram sustraidas no conjunto do município, hoje companheir@s desta localidade voltam denunicar coacçons e mesmo a sustracçom de propaganda que se dispunham a colocar polas ruas do município convocando a III Cadeia Humana pola Liberdade dos Presos Independentistas Galegos.

Este relato achega umha mostra da pressom policial que suportam dúzias de militantes nestes dias de convocatórias e actos políticos nas ruas do País. @s militantes T. I. e M. G. foram abordados pola polícia espanhola na atitude prepotente que habitualmente mostram após realizarem umha primeira colada de cartazes na rua. Após a identificaçom d@s companheir@s a polícia cacheou minuciosamente o carro que utilizavam e procedeu a sustrair a propaganda, argumentando que podia ser ilegal. Além dos cartazes referidos também foram sustraidos cartazes da convocatória da manifestaçom do Dia da Pátria de Causa Galiza. Apesar da insistência dos nossos companheiros os agentes espanhóis denegaram a sua identificaçom continuando em atitude intimidatória e provocadora.

 

Denúncia no julgado. T.I e M.G apresentavam denuncia no julgado de guarda por abuso de autoridade, sustracçom de material e violaçom de direitos fundamentais. O direito à liberdade de expressom de Ceivar e de Causa Galiza, e particularmente destes companheir@s foi arrebatada pola força dos uniformados ao mando do PSOE. Objectivos políticos do Estado. Intimidar a dissidência e invisibilizar as convocatórias e mobilizaçons patrióticas nas vêsperas do Dia da Pátria é o que perseguem com esta política de controlo social, que se bem é permanente acentua-se neste tempo. O governo espanhol destacara milhares de polícias e picoletos para entre outras cousas realizarem este cometido. Dar umha imagem de normalidade democrática para precisamente esconder a realidade objectiva da sua ausência e finalmente engrossar as listas negras de militantes independentistas e de toda aquela dissidência que ouse ser tal e se mostre nas ruas do País. STOP REPRESSOM ESPANHOLA!! LIBERDADES DEMOCRÁTICAS PARA TODOS!!