Ceivar convoca III Cadeia humana pola liberdade dos presos independentistas galegos.

Por terceiro ano consecutivo o Organismo Popular Anti-repressivo CEIVAR organiza a Cadeia Humana pola liberdade dos presos independentistas galegos. Como noutros anos Ceivar procura achegar de primeira mao nas ruas da capital galega a situaçom dos presos independentistas galegos. A condiçom de militantes políticos encarcerados polo seu compromisso coa libertaçom nacional e social do Povo Galego, a situaçom de dispersom penitenciária a centos de quilómetros da Galiza, os maltratos e degradaçons que sofrem por parte do sistema carcerário por defenderem a independência e o socialismo, os casos de tortura que tenhem padecido alguns deles serám os eixos sobre os que pivotará o discurso de Ceivar nesta III Cadeia humana.

Para além da denúncia destas violaçons de direitos humanos e do reclamo de liberdades democráticas, a reivindicaçom da liberdade de todos eles figurará como reclamaçom central do acto. A cita como noutros anos será o dia 24 de Julho às 19:00 na Praça da Galiza da cidade de Compostela. O organismo popular anti-repressivo instou através dum escrito dúzias de colectivos e organizaçons políticas e sociais a apoiar e participar do acto pola liberdade dos presos independentistas galegos. Hoje, através deste texto, fazemo-lo a todas e todos vós, galegas e galegos que valorades os direitos humanos e defendedes as liberdades democráticas* para o nosso povo.

*[Ao fio das liberdades democráticas, e por intuirmos um clima coercitivo por parte das forças de ocupaçom ao mando do PSOE, sugerimos aos participantes na cadeia humana portar documentaçom.

A este respeito dizer que o acto será comunicado para assim contar com umhas mínimas garantias ante a coerçom policial e a repressom económica.]

STOP REPRESSOM ESPANHOLA!!

DEFENDER A TERRA NOM É DELITO!!

LIBERDADE INDEPENDENTISTAS!!