No dia de onte o militante independentista Óscar Sanches Branco comparecia na Audiencia Nacional para enfrentar o julgamento pola sua implicaçom numha acçom armada frustrada em Janeiro deste ano. Óscar estivo encarcerado durante quase quatro meses a centos de quilómetros da Galiza, cativeiro enquadrado na ilegal política governamental de dispersom dos presos políticos.
Abandonou o cárcere de Soto del Real (Madrid) o dia 5 de Maio após a sua defesa chegar a um pre-acordo coa fiscalia polo qual o militante galego aceitava onze meses de cárcere por um delito de tentativa de danos terroristas (art. 577 CP em relaçom com o art. 266 CP), polo que a teor da LACrim nom é permitido que nengumha pessoa com umha petiçom inferior a dous anos de privaçom de liberdade esteja em situaçom de prisom preventiva. No dia de onte ratificava-se esse pré-acordo assinando um acordo de conformidade que estabelecia a pena anteriormente referida.
Nom havendo acusaçom particular personada na causa e umha vez que a fiscalia da Audiencia Nacional assinou um acordo de conformidade nom cabe a possibilidade de recurso perante o TS. À espera da sentença firme a defesa prepara a solicitude de suspensom temporal da condena, que teria muitas possibilidades de proserar se a fiscalia aderir. Mas em última estança ficaria à vontade do tribunal. A raiz dos últimos acontecimentos, os média espanhóis e opinólogos a soldo do ministerio del interior começaram umha campanha de pressom tendente para a criaçom de opiniom que exponha a alarma social como justificaçom de maiores condenas para a militança independentista galega. LIBERDADE INDEPENDENTISTAS!! DEFENDER A TERRA NOM É DELITO!!